സാനിയ മിര്‍സ ടെന്നീസ്‌ കോര്‍ട്ടില്‍ കളി തുടങ്ങിയതിനൊപ്പം കൂടെ കൂടിയതാണ്‌ വിവാദങ്ങള്‍. കളിമിടുക്കിനൊപ്പം കാണാനഴകും അല്‌പം കൂടിപോയതാണ്‌ സാനിയയുടെ മേല്‍ ആരോപിക്കാവുന്ന ഏറ്റവും വലിയ കുറ്റം. ആരാധകരുടെ ചങ്കു പറിക്കുന്നതായിരുന്നു സാനിയയുടെ വിവാഹ തീരുമാനം. പാക്‌ ക്രിക്കറ്റ്‌ താരം ഷൊയബ്‌ മാലിക്കിനെ സാനിയ പ്രണയിച്ചത്‌ നാട്ടിലുണ്ടാക്കിയ പൊല്ലാപ്പ്‌ ചില്ലറയായിരുന്നില്ല.
കളിക്കൂട്ടുകാരനുമായുള്ള വിവാഹം ഉറപ്പിച്ചിരുന്ന സാനിയ കാലുമാറിയതിനെ തുടര്‍ന്ന്‌ വധഭീഷണി വരെയുണ്ടായി. പലര്‍ക്കും ചതിയുടെ ആള്‍രൂപമായി മാറിയ സാനിയ ഇന്ത്യയുടെ ബദ്ധശത്രുവായ പാക്കിസ്ഥാനില്‍ നിന്നും വരനെ കണ്ടത്തിയതോടെ ഇവര്‍ക്കൊക്കെ ദേശദ്രോഹിയുമായി. ഇതുകൂടാതെയാണ്‌ ഇറക്കം കുറഞ്ഞ പാവാട ഇട്ടുള്ള ടെന്നീസ്‌ കളിക്കെതിരെ ചില മതമൗലവാദികള്‍ രംഗത്ത്‌ എത്തിയത്‌. ഒരിക്കല്‍ കളികാണുന്നതിനിടെ കാലെടുത്ത്‌ മേശപ്പുറത്ത്‌ വച്ച സാനിയയുടെ പാദത്തിനു മുന്നില്‍ ഇന്ത്യയുടെ ദേശീയ പതാക കണ്ടത്‌ അതിലും വലിയ വിവാദമായി. വിഷയം കോടതികയറി.
പാക്കിസ്ഥാനിയെ ജീവിത പങ്കാളിയാക്കിയ ശേഷം തന്റെ കൂറ്‌ എവിടെയെന്ന്‌ നാട്ടുകാര്‍ സംശയിക്കുന്ന വാക്കോ, നോക്കോ പ്രവര്‍ത്തിയോ ചെയ്യാന്‍ പാടില്ലെന്നത്‌ ആരും പാവത്തിന്‌ പറഞ്ഞു കൊടുത്തില്ലെന്ന്‌ തോന്നുന്നു. വിവാഹത്തിനു മുമ്പ്‌ 2008 ഒളിമ്പിക്‌സില്‍ ഇന്ത്യയുടെ മാര്‍ച്ച്‌ പാസ്റ്റില്‍ ഡ്രസ്‌ കോഡ്‌ പാലിക്കാതെ മറ്റുള്ളവരില്‍ നിന്നും വ്യത്യസ്‌തമായ വേഷം ധരിച്ചെത്തിയ സാനിയ വിവാദത്തിലായിരുന്നു. വിവാഹ ശേഷം നടന്ന അടുത്ത ഒളിമ്പിക്‌സില്‍ സാനിയ വീണ്ടും വിവാദ നായിക
Read more: http://www.arabianewspaper.com/malayalam-news/read-article/386-saniya-sonia-saina.html
No comments:
Post a Comment